பிரதேச செயலகம் - பட்டிப்பளை

Service Cluster of Divisional Secretariat

சிவில் பதிவுகள்

அனுமதி வழங்கல்

சான்றிதழ்கள் வழங்குதல்

ஓய்வூதிய கொடுப்பனவு

நில நிர்வாகம்

சமூக நலம் மற்றும் நன்மைகள்

சமுர்த்தி திட்டம்

கொள்முதல்கள்

அபிவிருத்தி திட்டம்

எம்மால் வழங்கப்படும் சேவைகளைக் கண்டறிய...

தேவைக்கேற்ப, தொடர்புடைய வகையைச் சரிபார்க்கவும். நீங்கள் தேடிய தகவலை உங்களால் கண்டுபிடிக்க முடியவில்லை என்றால், தயவு செய்து எங்களை தொடர்பு கொள்ளவும்.

தொடர்புகளுக்கு

தேசத்தை கட்டி எழுப்புகின்ற வளமான கிராமம் - சமூக உற்பத்தித்திறன் மாதிரி கிராம அங்குரார்ப்பண வைபவம்

தேசத்தை கட்டியெழுப்புகின்ற வளமான கிராமம் எனும் நோக்கத்துடனான சமூக உற்பத்தித்திறன் மாதிரி கிராம அங்குரார்ப்பண வைபவம் 2026.03.16 ஆம் திகதி திங்கட்கிழமையன்று மண்முனை தென்மேற்கு பிரதேச செயலகப் பிரிவிற்குட்பட்ட அரசடித்தீவு வடக்கு கிராம உத்தியோகத்தர் பிரிவில் பிரதேச செயலாளர் திரு.S.சுதாகர் அவர்களது தலைமையில் இடம்பெற்றது.

இந்நிகழ்வில் மண்முனை தென்மேற்கு பிரதேச சபை தவிசாளர் திரு.E.திரேசகுமார் மற்றும் பிரதேச சபை உறுப்பினர்கள் கலந்து கொண்டிருந்ததுடன் மண்முனை தென்மேற்கு பிரதேச செயலக உதவி பிரதேச செயலாளர் திரு.S.பார்த்தீபன், பட்டிப்பளை சுகாதார வைத்திய அதிகாரி மற்றும் சமூக உற்பத்தித்திறன் மாதிரி கிராம குழுத் தலைவர், உறுப்பினர்கள், கிராம உத்தியோகத்தர், சமூக வலுவூட்டல் உத்தியோகத்தர், உற்பத்தித்திறன் அபிவிருத்தி உத்தியோகத்தர்கள், பிரதேச செயலக உத்தியோகத்தர்கள், பொதுமக்கள் எனப் பலரும் கலந்து சிறப்பித்திருந்தனர்.

இத்திட்டமானது கிராம மக்களின் உற்பத்தித்திறனை உயர்வடையச் செய்து நிலையான அபிவிருத்தியையும் வளமான சமூகத்தையும் உருவாக்கும் மிகமுக்கிய அம்சமாகும் என்பது குறிப்பிடத்தக்கது.

சமூக உற்பத்தித்திறன் மாதிரி கிராம சிரமதான நிகழ்வு

2026.03.13 Banner

சமூக பொருளாதார ரீதியில் அபிவிருத்தி அடைந்த கிராமங்களை உருவாக்கும் அரசின் கொள்கைக்கு அமைய மண்முனை தென்மேற்கு பட்டிபளை பிரதேச செயலக பிரிவில் தெரிவு செய்யப்பட்ட சமூக உற்பத்தித்திறன் மாதிரி கிராமமான அரசடித்தீவு வடக்கு கிராமத்தில் இச்செயற்திட்டத்தின் ஒரு அங்கமாக கிராம மக்களினால் சிரமதான நிகழ்வு கடந்த 2026.03.13 ஆம் திகதி நாடாத்தப்பட்டது. இந்நிகழ்வில் உதவி பிரதேச செயலாளர் திரு.S.பார்த்தீபன், கிராம உத்தியோகத்தர் ஜீவிதன், சமுர்த்தி அபிவிருத்தி உத்தியோகத்தர் மற்றும் உற்பத்தித்திறன் உத்தியோகத்தர்களும் கலந்து கொண்டிருந்தனர்.

2026.03.13 01

2026.03.13 02

2026.03.13 03

பட்டிப்பளை பிரதேசத்தின் வயது கூடிய மூதாட்டி

மண்முனை தென்மேற்கு பிரதேச செயலாளர் பிரிவிற்குட்பட்ட முனைக்காடு வடக்கு கிராம உத்தியோகத்தர் பிரிவில் 101 வயதுடைய அமரசிங்கம் கண்மணி என்பவருக்கு 100 வயதினை பூர்த்தி செய்த வயோதிபருக்கான கொடுப்பனவு காசோலை 2026.03.10 ஆம் திகதி செவ்வாய்கிழமை இன்று வழங்கி வைக்கப்பட்டிருந்தது.

2026.03.10 01

தேசிய இளைஞர் பரிமாற்று வேலைத்திட்டம் - Youth Link Sri Lanka - 2026 Day 05

ஐந்தாம் நாள் நிகழ்வு - 2026.03.09

தேசிய இளைஞர் சம்மேளனத்தின் ஏற்பாட்டில் இன நல்லிணக்கம், புரிந்துணர்வு மற்றும் சகோதரத்துவத்தை கட்டியெழுப்பும் இளைஞர் பரிமாற்ற திட்டத்தின் இறுதி நாளான 2026.03.09 ஆம் திகதி திங்கட்கிழமையன்று மட்டக்களப்பு மாவட்டத்தின் பழமை வாய்ந்த இடங்களை பார்வையிட்டிருந்தனர்.

இந்நிகழ்விற்காக கம்பஹா மாவட்டத்தில் இருந்து வருகை தந்த சகோதர இன இளைஞர் யுவதிகள் அம்பிளாந்துறை கிராமத்தில் 5 நாட்கள் தங்கியிருந்து பல்வேறு நிகழ்வுகளிலும் பங்குபற்றி தங்களது பயணத்தை பயனுள்ளதாகவும் இனியதாகவும் மாற்றி 10.03.2026 இன்றைய தினம் மு.ப 9.30 மணியளவில் கம்பஹா நோக்கி புறப்பட்டனர்.